ye hadsa bhi tere shahr mein hua hoga
tamam shahr mujhe DhunDhta phira hoga
main is KHayal se aksar udas rahta hun
koi judai ki sadiyan guzarta hoga
chalo ki shahr ki saDken kahin na so jaen
ab is ujaD haweli mein kya rakha hoga
tumhaari bazm se nikle to hum ne ye socha
zamin se chand talak kitna fasla hoga
zara si der ko sone se faeda 'azar'
tumhein to roz isi tarah jagna hoga
Ghazal
Ye hadsa bhi tere shahr mein hua hoga
Kafeel Aazar Amrohvi