parakhna mat parakhne mein koi apna nahin rahta
kisi bhi aaine mein der tak chehra nahin rahta
baDe logon se milne mein hamesha fasla rakhna
jahan dariya samundar se mila dariya nahin rahta
hazaron sher mere so gae kaghaz ki qabron mein
ajab man hun koi bachcha mera zinda nahin rahta
mohabbat ek KHushbu hai hamesha sath chalti hai
koi insan tanhai mein bhi tanha nahin rahta
Ghazal
Parakhna mat parakhne mein koi apna nahin rahta
Bashir Badr