miTe wo dil jo tere gham ko le ke chal na sake
wahi charagh bujhae gae jo jal na sake
hum is liye nai duniya ke sath chal na sake
ki jaise rang ye badli hai hum badal na sake
main un charaghon ki umr-e-wafa ko rota hun
jo ek shab bhi mere dil ke sath jal na sake
main wo musafir-e-ghamgin hun jis ke sath 'wasim'
KHizan ke daur se bhi kuchh dur chal ke chal na sake
Ghazal
MiTe wo dil jo tere gham ko le ke chal na sake
Waseem Barelvi