hayat lakh ho fani magar ye sun rakhiye
hayat se jo hai maqsud ghair-fani hai

Kalidas Gupta Raza

---

---

zindagi nam isi mauj-e-mai-e-nab ka hai
mai-kade se jo uThe dar-o-rasan tak pahunche

Kamal Ahmad Siddiqi

---

---

kya chahti hai hum se hamari ye zindagi
kya qarz hai jo hum se ada ho nahin raha

Kashif Husain Ghair

---

---

zindagi dhup mein aane se khuli
saya diwar uThane se khula

Kashif Husain Ghair

---

---

har ek kaam hai dhoka har ek kaam hai khel
ki zindagi mein tamasha bahut zaruri hai

Khaleel Mamoon

---

---

koi waqt batla ki tujh se milun
meri dauDti bhagti zindagi

Khalilur Rahman Azmi

---

---

yun to marne ke liye zahr sabhi pite hain
zindagi tere liye zahr piya hai main ne

Khalilur Rahman Azmi

---

---