ahl-e-dil ke waste paigham ho kar rah gai
zindagi majburiyon ka nam ho kar rah gai

Ganesh Bihari Tarz

---

---

dard ulfat ka na ho to zindagi ka kya maza
aah-o-zari zindagi hai be-qarari zindagi

Ghulam Bhik Nairang

---

---

mujhe zindagi ki dua dene wale
hansi aa rahi hai teri sadgi pa

Gopal Mittal

---

---

koi KHamosh zaKHm lagti hai
zindagi ek nazm lagti hai

Gulzar

---

---

ek sita ki rifaqat hai to sab kuchh pas hai
zindagi kahte hain jis ko ram ka ban-bas hai

Hafeez Banarasi

---

---

kabhi KHirad kabhi diwangi ne luT liya
tarah tarah se hamein zindagi ne luT liya

Hafeez Banarasi

---

---

e-talluq zindagi achchhi nahin
zindagi kya maut bhi achchhi nahin

Hafeez Jalandhari

---

---