sham ho ya ki sahar yaad unhin ki rakhni
din ho ya raat hamein zikr unhin ka karna

Hasrat Mohani

---

---

yaad rakhne ki ye baaten hain baja hai sach hai
aap bhule na hamein aap ko hum bhul gae

Hatim Ali Mehr

---

---

kuchh KHabar hai tujhe o chain se sone wale
raat bhar kaun teri yaad mein bedar raha

Hijr Nazim Ali Khan

---

---

mujhe wo yaad karte hain ye kah kar
KHuda baKHshe nihayat ba-wafa tha

Hijr Nazim Ali Khan

---

---

ye kis ki yaad ki barish mein bhigta hai badan
ye kaisa phul sar-e-shaKH-e-jaan khila hua hai

Humaira Rahat

---

---

hum bhul sake hain na tujhe bhul sakenge
tu yaad rahega hamein han yaad rahega

Ibn e Insha

---

---

wo raaten chand ke sath gain wo baaten chand ke sath gain
ab sukh ke sapne kya dekhen jab dukh ka suraj sar par ho

Ibn e Insha

---

---