hamein yaad rakhna hamein yaad karna
agar koi taza sitam yaad aae

Hafeez Jaunpuri

---

---

yaad aain us ko dekh ke apni musibaten
roe hum aaj KHub lipaT kar raqib se

Hafeez Jaunpuri

---

---

aafat-e-jaan hui us ru-e-kitabi ki yaad
ras aaya na mujhe hafiz-e-quran hona

Haidar Ali Aatish

---

---

ah rah ke kaundti hain andhere mein bijliyan
tum yaad kar rahe ho ki yaad aa rahe ho tum

Hairat Gondvi

---

---

ab tujhe kaise bataen ki teri yaadon mein
kuchh izafa hi kiya hum ne KHayanat nahin ki

Haleem Qureshi

---

---

phir gai ek aur hi duniya nazar ke samne
baiThe baiThe kya bataun kya mujhe yaad aa gaya

Hameed Jalandhari

---

---

hasin yaadon ke chand ko alwidaa kah kar
main apne ghar ke andhere kamron mein lauT aaya

Hasan Abbasi

---

---