ek muddat se teri yaad bhi aai na hamein
aur hum bhul gae hon tujhe aisa bhi nahin

Firaq Gorakhpuri

---

---

gharaz ki kaT diye zindagi ke din ai dost
wo teri yaad mein hon ya tujhe bhulane mein

Firaq Gorakhpuri

---

---

jis mein ho yaad bhi teri shamil
hae us be-KHudi ko kya kahiye

Firaq Gorakhpuri

---

---

KHud mujh ko bhi ta-der KHabar ho nahin pai
aaj aai teri yaad is aahista-rawi se

Firaq Gorakhpuri

---

---

sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain

Firaq Gorakhpuri

---

---

tabiat apni ghabraati hai jab sunsan raaton mein
hum aise mein teri yaadon ki chadar tan lete hain

Firaq Gorakhpuri

---

---

tu yaad aaya tere jaur-o-sitam lekin na yaad aae
mohabbat mein ye masumi baDi mushkil se aati hai

You I did remember, your torments all forgot
such innocence in love, is with hardship wrought

Firaq Gorakhpuri

---

---