wo din gae ki 'dagh' thi har dam buton ki yaad
paDhte hain panch waqt ki ab to namaz hum

Dagh Dehlvi

---

---

yun guzarta hai teri yaad ki wadi mein KHayal
KHarzaron mein koi barhana-pa ho jaise

Ehtisham Husain

---

---

tumhaari yaad nikalti nahin mere dil se
nasha chhalakta nahin hai sharab se baha

Faheem Shanas Kazmi

---

---

kabhi bhulaya kabhi yaad kar liya us ko
ye kaam hai to bahut mujh se kaam us ne liya

Faisal Ajmi

---

---

aap ki yaad aati rahi raat bhar
chandni dil dukhati rahi raat bha

Faiz Ahmad Faiz

---

---

jab tujhe yaad kar liya subh mahak mahak uThi
jab tera gham jaga liya raat machal machal gai

When your thoughts arose, fragrant was the morn
When your sorrow's woke, the night was all forlorn

Faiz Ahmad Faiz

---

---

kar raha tha gham-e-jahan ka hisab
aaj tum yaad be-hisab aae

Faiz Ahmad Faiz

---

---