uTh gai hain samne se kaisi kaisi suraten
roiye kis ke liye kis kis ka matam kijiye

Haidar Ali Aatish

---

---

wo raaten chand ke sath gain wo baaten chand ke sath gain
ab sukh ke sapne kya dekhen jab dukh ka suraj sar par ho

Ibn e Insha

---

---

jin pe nazan the ye zamin o falak
ab kahan hain wo suraten baqi

Ibn-e-Mufti

---

---

wo log apne aap mein kitne azim the
jo apne dushmanon se bhi nafrat na kar sake

Khaleel Tanveer

---

---

jinhen ab gardish-e-aflak paida kar nahin sakti
kuchh aisi hastiyan bhi dafn hain gor-e-ghariban mein

Makhmoor Dehlvi

---

---

hae wo log jo dekhe bhi nahin
yaad aaen to rula dete hain

Mohammad Alvi

---

---

jinhen hum dekh kar jite the 'nasir'
wo log aankhon se ojhal ho gae hain

Nasir Kazmi

---

---