ahen na rind ye waiz ke bas ki baat nahin
tamam shahr hai do chaar das ki baat nahin

Kaifi Azmi

---

---

tashrif lao kucha-e-rindan mein waizo
sidhi si rah tum ko bata den najat ki

Lala Madhav Ram Jauhar

---

---

mujhe kafir hi batata hai ye waiz kam-baKHt
main ne bandon mein kai bar KHuda ko dekha

Mirza Mayal Dehlvi

---

---

talKHi tumhaare waz mein hai waizo magar
dekho to kis maze ki hai talKHi sharab mein

Mirza Mayal Dehlvi

---

---

dhoke se pila di thi use bhi koi do ghunT
pahle se bahut narm hai waiz ki zaban ab

through guile we have managed to ply him with
now the priest's tone is much gentler than before

Riyaz Khairabadi

---

---

guman kis par karen sufi idhar hai us taraf waiz
KHuda rakkhe mohalle mein sabhi allah wale hain

Saail Dehlvi

---

---

kya madrase mein dahr ke ulTi hawa bahi
waiz nahi ko amr kahe amr ko nahi

Shaikh Zahuruddin Hatim

---

---