munh mein waiz ke bhi bhar aata hai pani aksar
jab kabhi tazkira-e-jam-e-sharab aata hai

Bekhud Dehlvi

---

---

apni jannat mujhe dikhla na saka tu waiz
kucha-e-yar mein chal dekh le jannat meri

Fani Badayuni

---

---

jawani ko bacha sakte to hain har dagh se waiz
magar aisi jawani ko jawani kaun kahta hai

Fani Badayuni

---

---

meri sharab ki tauba pe ja na ai waiz
nashe ki baat nahin e'tibar ke qabil

Hafeez Jaunpuri

---

---

gunahgar ke dil se na bach ke chal zahid
yahin kahin teri jannat bhi pai jati hai

Jigar Moradabadi

---

---

kidhar se barq chamakti hai dekhen ai waiz
main apna jam uThata hun tu kitab uTha

where does lightening strike, priest, let us look
I will raise my glass you raise your holy book

Jigar Moradabadi

---

---

sadaqat ho to dil sinon se khinchne lagte hain waiz
haqiqat KHud ko manwa leti hai mani nahin jati

Jigar Moradabadi

---

---