hum se kahte hain chaman wale ghariban-e-chaman
tum koi achchha sa rakh lo apne virane ka nam

Faiz Ahmad Faiz

---

---

tumhaare rang phike paD gae nan
meri aankhon ki virani ke aage

Fariha Naqvi

---

---

dil par dastak dene kaun aa nikla hai
kis ki aahaT sunta hun virane mein

Gulzar

---

---

main wo basti hun ki yaad-e-raftagan ke bhes mein
dekhne aati hai ab meri hi virani mujhe

Hafeez Jalandhari

---

---

KHatm hone ko hain ashkon ke zaKHire bhi 'jamal'
roe kab tak koi is shahr ki virani pa

Jamal Ehsani

---

---

tanhai ki dulhan apni mang sajae baiThi hai
virani aabaad hui hai ujDe hue daraKHton mein

Kaif Ahmed Siddiqui

---

---

ab jis taraf se chahe guzar jae karwan
viraniyan to sab mere dil mein utar gain

Kaifi Azmi

---

---