aaj bhi 'prem' ke aur 'krishn' ke afsane hain
aaj bhi waqt ki jamhuri zaban hai urdu

Ata Abidi

---

---

wo itr-dan sa lahja mere buzurgon ka
rachi-basi hui urdu zaban ki KHushbu

Bashir Badr

---

---

mera har sher hai ek raaz-e-haqiqat 'beKHud'
main hun urdu ka 'naziri' mujhe tu kya samjha

Bekhud Dehlvi

---

---

nahin khel ai 'dagh' yaron se kah do
ki aati hai urdu zaban aate aate

Dagh Dehlvi

---

---

urdu hai jis ka nam hamin jaante hain 'dagh'
hindostan mein dhum hamari zaban ki hai

Dagh Dehlvi

---

---

shusta zaban shagufta bayan honTh gul-fishan
sari hain tujh mein KHubiyan urdu zaban ki

Farhat Ehsas

---

---

meri ghuTTi mein paDi thi ho ke hal urdu zaban
jo bhi main kahta gaya husn-e-bayan banta gaya

Firaq Gorakhpuri

---

---