ab na wo ahbab zinda hain na rasm-ul-KHat wahan
ruTh kar urdu to dehli se dakan mein aa gai

Kavish Badri

---

---

aat karne ka hasin taur-tariqa sikha
hum ne urdu ke bahane se saliqa sikha

Manish Shukla

---

---

hum hain tahzib ke alam-bardar
hum ko urdu zaban aati hai

Mohammad Ali Sahil

---

---

tere suKHan ke sada log honge girwida
miThas urdu ki thoDi bahut zaban mein rakh

Mubarak Ansari

---

---

ye tasarruf hai 'mubarak' dagh ka
kya se kya urdu zaban hoti gai

Mubarak Azimabadi

---

---

mere bachchon mein sari aadaten maujud hain meri
to phir in bad-nasibon ko na kyun urdu zaban aai

Munawwar Rana

---

---

adab baKHsha hai aisa rabt-e-alfaz-e-munasib ne
do-zanu hai meri tab-e-rasa tarkib-e-urdu se

Munshi Khairati Laal Shagufta

---

---