adab baKHsha hai aisa rabt-e-alfaz-e-munasib ne
do-zanu hai meri tab-e-rasa tarkib-e-urdu se

Munshi Khairati Laal Shagufta

---

---

urdu jise kahte hain tahzib ka chashma hai
wo shaKHs mohazzab hai jis ko ye zaban aai

Ravish Siddiqi

---

---

apni urdu to mohabbat ki zaban thi pyare
ab siyasat ne use joD diya mazhab se

Sada Ambalvi

---

---

kis tarah husn-e-zaban ki ho taraqqi 'wahshat'
main agar KHidmat-e-urdu-e-mualla na karun

Wahshat Raza Ali Kalkatvi

---

---