jinhen ab gardish-e-aflak paida kar nahin sakti
kuchh aisi hastiyan bhi dafn hain gor-e-ghariban mein

Makhmoor Dehlvi

---

---

mat sahl hamein jaano phirta hai falak barson
tab KHak ke parde se insan nikalte hain

Mir Taqi Mir

---

---

ek suraj tha ki taron ke gharane se uTha
aankh hairan hai kya shaKHs zamane se uTha

Parveen Shakir

---

---

log achchhe hain bahut dil mein utar jate hain
ek burai hai to bas ye hai ki mar jate hain

Rais Farogh

---

---

kahani KHatm hui aur aisi KHatm hui
ki log rone lage taliyan bajate hue

Rehman Faris

---

---

we suraten ilahi kis mulk bastiyan hain
ab dekhne ko jin ke aankhen tarastiyan hain

Sauda Mohammad Rafi

---

---

jaane wale kabhi nahin aate
jaane walon ki yaad aati hai

Sikandar Ali Wajd

---

---