jo tasawwur se mawara na hua
wo to banda hua KHuda na hua

Iqbal Suhail

---

---

main jab bhi us ke KHayalon mein kho sa jata hun
wo KHud bhi baat kare to bura lage hai mujhe

Jaan Nisar Akhtar

---

---

tere KHayal ke diwar-o-dar banate hain
hum apne ghar mein bhi tera hi ghar banate hain

Jameeluddin Aali

---

---

lab-e-KHayal se us lab ka jo liya bosa
to munh hi munh mein ajab tarah ka maza aaya

Jurat Qalandar Bakhsh

---

---

main ki tere dhyan mein gum tha
duniya mujh ko DhunDh rahi thi

Karamat Bukhari

---

---

jaane kyun ek KHayal sa aaya
main na hunga to kya kami hogi

Khalilur Rahman Azmi

---

---

main ne to tasawwur mein aur aks dekha tha
fikr muKHtalif kyun hai shaeri ke paikar mein

Khushbir Singh Shaad

---

---