duniya-e-tasawwur hum aabaad nahin karte
yaad aate ho tum KHud hi hum yaad nahin karte

Fana Nizami Kanpuri

---

---

hum hain us ke KHayal ki taswir
jis ki taswir hai KHayal apna

Fani Badayuni

---

---

main ek thaka hua insan aur kya karta
tarah tarah ke tasawwur KHuda se bandh liye

Fazil Jamili

---

---

mere pahlu mein tum aao ye kahan mere nasib
ye bhi kya kam hai tasawwur mein to aa jate ho

Ghulam Bhik Nairang

---

---

na hoga koi mujh sa mahw-e-tasawwur
jise dekhta hun samajhta hun tu hai

Goya Faqir Mohammad

---

---

ek teri yaad se ek tere tasawwur se hamein
aa gae yaad kai nam hasinaon ke

Habib Jalib

---

---

tasawwur mein bhi ab wo be-naqab aate nahin mujh tak
qayamat aa chuki hai log kahte hain shabab aaya

Hafeez Jalandhari

---

---