darwaze par pahra dene
tanhai ka bhut khaDa hai

Mohammad Alvi

---

---

makan hai qabr jise log KHud banate hain
main apne ghar mein hun ya main kisi mazar mein hun

Muneer Niyazi

---

---

subh tak kaun jiyega shab-e-tanhai mein
dil-e-nadan tujhe ummid-e-sahar hai bhi to kya

Muztar Khairabadi

---

---

tanhai ke lamhat ka ehsas hua hai
jab taron bhari raat ka ehsas hua hai

Naseem Shahjahanpuri

---

---

shahr mein kis se suKHan rakhiye kidhar ko chaliye
itni tanhai to ghar mein bhi hai ghar ko chaliye

Naseer Turabi

---

---

hichkiyan raat dard tanhai
aa bhi jao tasalliyan de do

Nasir Jaunpuri

---

---

main sote sote kai bar chaunk chaunk paDa
tamam raat tere pahluon se aanch aai

Nasir Kazmi

---

---