un ki hasrat bhi nahin main bhi nahin dil bhi nahin
ab to 'beKHud' hai ye aalam meri tanhai ka

Bekhud Badayuni

---

---

hijr o visal charagh hain donon tanhai ke taqon mein
akasr donon gul rahte hain aur jala karta hun main

Farhat Ehsas

---

---

kisi haalat mein bhi tanha nahin hone deti
hai yahi ek KHarabi meri tanhai ki

Farhat Ehsas

---

---

pukara jab mujhe tanhai ne to yaad aaya
ki apne sath bahut muKHtasar raha hun main

Farigh Bukhari

---

---

mere wajud ko parchhaiyon ne toD diya
main ek hisar tha tanhaiyon ne toD diya

Fazil Jamili

---

---

ab to un ki yaad bhi aati nahin
kitni tanha ho gain tanhaiyan

nowadays even her thoughts do not intrude
see how forlorn and lonely is my solitude

Firaq Gorakhpuri

---

---

kahan ka wasl tanhai ne shayad bhes badla hai
tere dam bhar ke mil jaane ko hum bhi kya samajhte hain

Firaq Gorakhpuri

---

---