aaghaz-e-mohabbat ka anjam bas itna hai
jab dil mein tamanna thi ab dil hi tamanna hai

Jigar Moradabadi

---

---

meri hasti hai meri tarz-e-tamanna ai dost
KHud main fariyaad hun meri koi fariyaad nahin

Jigar Moradabadi

---

---

ishq hai ji ka ziyan ishq mein rakkha kya hai
dil-e-barbaad bata teri tamanna kya hai

Junaid Hazin Lari

---

---

insan ki KHwahishon ki koi intiha nahin
do gaz zamin bhi chahiye do gaz kafan ke baad

Kaifi Azmi

---

---

hum na manenge KHamoshi hai tamanna ka mizaj
han bhari bazm mein wo bol na pai hogi

Kalidas Gupta Raza

---

---

tamanna teri hai agar hai tamanna
teri aarzu hai agar aarzu hai

Khwaja Meer u0027Dardu0027

---

---

arman wasl ka meri nazron se taD ke
pahle hi se wo baiTh gae munh bigaD ke

Lala Madhav Ram Jauhar

---

---