is nahin ka koi ilaj nahin
roz kahte hain aap aaj nahin

ah! this denial, nothing can allay
every day you say no, not today

Dagh Dehlvi

---

---

ek tarz-e-taghaful hai so wo un ko mubarak
ek arz-e-tamanna hai so hum karte rahenge

Faiz Ahmad Faiz

---

---

us jagah ja ke wo baiTha hai bhari mahfil mein
ab jahan mere ishaare bhi nahin ja sakte

Farhat Ehsas

---

---

kis munh se karen un ke taghaful ki shikayat
KHud hum ko mohabbat ka sabaq yaad nahin hai

Hafeez Banarasi

---

---

phir aur taghaful ka sabab kya hai KHudaya
main yaad na aaun unhen mumkin hi nahin hai

Hasrat Mohani

---

---

us ne barish mein bhi khiDki khol ke dekha nahin
bhigne walon ko kal kya kya pareshani hui

Jamal Ehsani

---

---

tumhein yaad hi na aaun ye hai aur baat warna
main nahin hun dur itna ki salam tak na pahunche

Kaleem Aajiz

---

---