ikta rahta sar-e-bazar kai qiston mein
shukr hai mere KHuda ne mujhe shohrat nahin di

Ahmad Ashfaq

---

---

mujh se ye puchh rahe hain mere ahbab 'aziz'
kya mila shahr-e-suKHan mein tumhein shohrat ke siwa

Aziz Warsi

---

---

shohrat ki bulandi bhi pal bhar ka tamasha hai
jis Dal pe baiThe ho wo TuT bhi sakti hai

Bashir Badr

---

---

ulajh rahe hain bahut log meri shohrat se
kisi ko yun to koi mujh se iKHtilaf na tha

Bekal Utsahi

---

---

kya puchhte ho kaun hai ye kis ki hai shohrat
kya tum ne kabhi 'dagh' ka diwan nahin dekha

Dagh Dehlvi

---

---

khuli na mujh pe bhi diwangi meri barson
mere junun ki shohrat tere bayan se hui

Faragh Rohvi

---

---

'farhat' tere naghmon ki wo shohrat hai jahan mein
wallah tera rang-e-suKHan yaad rahega

Farhat Kanpuri

---

---