ab tu darwaze se apne nam ki taKHti utar
lafz nange ho gae shohrat bhi gali ho gai

Iqbal Sajid

---

---

main ise shohrat kahun ya apni ruswai kahun
mujh se pahle us gali mein mere afsane gae

Khatir Ghaznavi

---

---

kaun maslub hua husn ka kirdar ki hum
shohrat-e-ishq mein badnam hua yar ki hum

Masood Qureshi

---

---

us ghar ki badaulat mere sheron ko hai shohrat
wo ghar ki jo is shahr mein badnam bahut hai

Mazhar Imam

---

---

miyan ye chadar-e-shohrat tum apne pas rakho
ki is se panw jo Dhanpen to sar nikalta hai

Mohammad Mukhtar Ali

---

---

kho diya shohrat ne apni sher-KHwani ka maza
dad mil jati hai 'natiq' har ratab yabis ke baad

Natiq Gulavthi

---

---

meri shohrat ke pichhe hai
hath bahut ruswai ka

Prem Bhandari

---

---