dhup baDhte hi juda ho jaega
saya-e-diwar bhi diwar se

Bahram Tariq

---

---

sabhi insan farishte ho gae hain
kisi diwar mein saya nahin hai

Bimal Krishn Ashk

---

---

dhup jawani ka yarana apni jagah
thak jata hai jism to saya mangta hai

Ejaz Gul

---

---

dhup boli ki main aabai watan hun tera
main ne phir saya-e-diwar ko zahmat nahin di

Farhat Ehsas

---

---

hum ek fikr ke paikar hain ek KHayal ke phul
tera wajud nahin hai to mera saya nahin

Farigh Bukhari

---

---

kisi ki rah mein aane ki ye bhi surat hai
ki saya ke liye diwar ho liya jae

Ghulam Murtaza Rahi

---

---

yaron ne meri rah mein diwar khinch kar
mashhur kar diya ki mujhe saya chahiye

Ghulam Murtaza Rahi

---

---