wo sardiyon ki dhup ki tarah ghurub ho gaya
lipaT rahi hai yaad jism se lihaf ki tarah

Musavvir Sabzwari

---

---

wo gale se lipaT ke sote hain
aaj-kal garmiyan hain jaDon mein

Muztar Khairabadi

---

---

ek barf si jami rahe diwar-o-baam par
ek aag mere kamre ke andar lagi rahe

Salim Saleem

---

---

labon mein aa ke qulfi ho gae ashaar sardi mein
ghazal kahna bhi ab to ho gaya dushwar sardi mein

Sarfaraz Shahid

---

---

mere suraj aa! mere jism pe apna saya kar
baDi tez hawa hai sardi aaj ghazab ki hai

Shahryar

---

---

ab udas phirte ho sardiyon ki shamon mein
is tarah to hota hai is tarah ke kaamon mein

Shoaib Bin Aziz

---

---

jab chali ThanDi hawa bachcha ThiThur kar rah gaya
man ne apne lal ki taKHti jala di raat ko

Sibt Ali Saba

---

---