apni zaban se mujhe jo chahe kah len aap
baDh baDh ke bolna nahin achchha raqib ka

Lala Madhav Ram Jauhar

---

---

ku-e-jaanan mein na ghairon ki rasai ho jae
apni jagir ye ya-rab na parai ho jae

Lala Madhav Ram Jauhar

---

---

sadme uThaen rashk ke kab tak jo ho so ho
ya to raqib hi nahin ya aaj hum nahin

Lala Madhav Ram Jauhar

---

---

jo koi aawe hai nazdik hi baiThe hai tere
hum kahan tak tere pahlu se sarakte jawen

whoever comes takes his place here right by your side
how long with this displacement from you shall I abide

Meer Hasan

---

---

mat baKHt-e-KHufta par mere hans ai raqib tu
hoga tere nasib bhi ye KHwab dekhna

Meer Hasan

---

---

jis ka tujh sa habib howega
kaun us ka raqib howega

Meer Soz

---

---

go aap ne jawab bura hi diya wale
mujh se bayan na kije adu ke payam ko

though you may have replied to him as rudely as you claim
don't tell me what was in my rival's message, just the same

Momin Khan Momin

---

---