andheri raat ko main roz-e-ishq samjha tha
charagh tu ne jalaya to dil bujha mera

Abdul Rahman Ehsan Dehlvi

---

---

hum faqiron ka pairahan hai dhup
aur ye raat apni chadar hai

Abid Wadood

---

---

aat kya soe ki baqi umr ki nind uD gai
KHwab kya dekha ki dhaDka lag gaya tabir ka

Ahmad Faraz

---

---

chand bhi nikla sitare bhi barabar nikle
mujh se achchhe to shab-e-gham ke muqaddar nikle

Ahmad Mushtaq

---

---

ye tanha raat ye gahri fazaen
use DhunDen ki us ko bhul jaen

Ahmad Mushtaq

---

---

aaj ki raat bhi tanha hi kaTi
aaj ke din bhi andhera hoga

Ahmad Nadeem Qasmi

---

---

umr bhar ki talKH bedari ka saman ho gain
hae wo raaten ki jo KHwab-e-pareshan ho gain

Akhtar Shirani

---

---