nama-bar na-umid aata hai
hae kya sust panw paDte hain

Lala Madhav Ram Jauhar

---

---

KHat dekh kar mera mere qasid se yun kaha
kya gul nahin hua wo charagh-e-sahar hanuz

Maatam Fazl Mohammad

---

---

kahna qasid ki us ke jine ka
wada-e-wasl par madar hai aaj

Mardan Ali Khan Rana

---

---

aah qasid to ab talak na phira
dil dhaDakta hai kya hua hoga

Meer Mohammadi Bedar

---

---

kya jaane kya likha tha use iztirab mein
qasid ki lash aai hai KHat ke jawab mein

Momin Khan Momin

---

---

zaban qasid ki 'muztar' kaT li jab un ko KHat bheja
ki aaKHir aadmi hai tazkira shayad kahin kar de

Muztar Khairabadi

---

---

mazmun sujhte hain hazaron nae nae
qasid ye KHat nahin mere gham ki kitab hai

Nizam Rampuri

---

---