kanTe to KHair kanTe hain is ka gila hi kya
phulon ki wardat se ghabra ke pi gaya

Saghar Siddiqui

---

---

aaj bhi shayad koi phulon ka tohfa bhej de
titliyan manDla rahi hain kanch ke gul-dan pa

Shakeb Jalali

---

---

gham-e-umr-e-muKHtasar se abhi be-KHabar hain kaliyan
na chaman mein phenk dena kisi phul ko masal ka

Shakeel Badayuni

---

---

kanTon se guzar jata hun daman ko bacha kar
phulon ki siyasat se main begana nahin hun

Shakeel Badayuni

---

---