agarche phul ye apne liye KHaride hain
koi jo puchhe to kah dunga us ne bheje hain

Iftikhar Naseem

---

---

kanTon pe chale hain to kahin phul khile hain
phulon se mile hain to baDi choT lagi hai

Javed Vashisht

---

---

ahaar aai gulon ko hansi nahin aai
kahin se bu teri guftar ki nahin aai

Kalidas Gupta Raza

---

---

chaman ka husn samajh kar sameT lae the
kise KHabar thi ki har phul KHar niklega

Kalidas Gupta Raza

---

---

phul kar le nibah kanTon se
aadmi hi na aadmi se mile

Khumar Barabankavi

---

---

KHuda ke waste gul ko na mere hath se lo
mujhe bu aati hai is mein kisi badan ki si

Nazeer Akbarabadi

---

---

kai tarah ke tahaif pasand hain us ko
magar jo kaam yahan phul se nikalta hai

Rana Amir Liyaqat

---

---