ye taeron ki qataren kidhar ko jati hain
na koi dam bichha hai kahin na dana hai

Asad Badayuni

---

---

mujhe malum hai us ka Thikana phir kahan hoga
parinda aasman chhune mein jab nakaam ho jae

Bashir Badr

---

---

ye parinde bhi kheton ke mazdur hain
lauT ke apne ghar sham tak jaenge

Bashir Badr

---

---

tum parindon se ziyaada to nahin ho aazad
sham hone ko hai ab ghar ki taraf lauT chalo

Irfan Siddiqi

---

---

parind shaKH pe tanha udas baiTha hai
uDan bhul gaya muddaton ki bandish mein

Khaleel Tanveer

---

---

parind unchi uDanon ki dhun mein rahta hai
magar zamin ki hadon mein basar bhi karta hai

Khaleel Tanveer

---

---

ye rang rang parinde hi hum se achchhe hain
jo ek daraKHt pe rahte hain beliyon ki tarah

Khaqan Khavar

---

---