do-shaala shaal kashmiri amiron ko mubarak ho
galim-e-kohna mein jaDa faqiron ka basar hoga

Aagha Akbarabadi

---

---

muflisi bhuk ko shahwat se mila deti hai
gandumi lams mein hai zaiqa-e-nan-e-jawin

Abdul Ahad Saaz

---

---

muflisi sin ab zamane ka raha kuchh haal nain
aasman charKHi ke jun phirta hai lekin mal nain

Abroo Shah Mubarak

---

---

gharib-e-shahr to faqe se mar gaya 'arif'
amir-e-shahr ne hire se KHud-kushi kar li

Arif Shafiq

---

---

jo mere ganw ke kheton mein bhuk ugne lagi
mere kisanon ne shahron mein naukri kar li

Arif Shafiq

---

---

id ka din hai so kamre mein paDa hun 'aslam'
apne darwaze ko bahar se muqaffal kar ke

Aslam Kolsarii

---

---

dew pari ke qisse sun kar
bhuke bachche so lete hain

Ateeq Allahabadi

---

---