tum ko aata hai pyar par ghussa
mujh ko ghusse pe pyar aata hai

Ameer Minai

---

---

aablon ka shikwa kya Thokaron ka gham kaisa
aadmi mohabbat mein sab ko bhul jata hai

Amir Usmani

---

---

ishq ke marahil mein wo bhi waqt aata hai
aafaten barasti hain dil sukun pata hai

Amir Usmani

---

---

tujh se mera muamla hota ba-rah-e-rast
ye ishq darmiyan na hota to Thik tha

Amjad Shahzad

---

---

ishq karta hai to phir ishq ki tauhin na kar
ya to behosh na ho ho to na phir hosh mein aa

Anand Narayan Mulla

---

---

chahat ke badle mein hum bech den apni marzi tak
koi mile to dil ka gahak koi hamein apnae to

in exchange for love I'd trade my freedom I confess
if a buyer could be found who would my heart possess

Andaleeb Shadani

---

---

mere mazar pe aa kar diye jalaega
wo mere baad meri zindagi mein aaega

Anjum Khayali

---

---