e-niyaz-e-dahr kar deta hai ishq
be-zaron ko lal-o-zar deta hai ishq

Abul Hasanat Haqqi

---

---

ek khilauna TuT jaega naya mil jaega
main nahin to koi tujh ko dusra mil jaega

Adeem Hashmi

---

---

mujhe gum-shuda dil ka gham hai to ye hai
ki is mein bhari thi mohabbat kisi ki

Afsar Allahabadi

---

---

tumhaare hijr mein kyun zindagi na mushkil ho
tumhin jigar ho tumhin jaan ho tumhin dil ho

Afsar Allahabadi

---

---

chand logon ki mohabbat bhi ghanimat hai miyan
shahr ka shahr hamara to nahin ho sakta

Afzal Gauhar Rao

---

---

ab tak dil-e-KHush-fahm ko tujh se hain umiden
ye aaKHiri shamen bhi bujhane ke liye aa

my heart is optimistic yet, its hopes are still alive
come to snuff it out, let not this final flame survive

Ahmad Faraz

---

---

do ghaDi us se raho dur to yun lagta hai
jis tarah saya-e-diwar se diwar juda

Ahmad Faraz

---

---