main ne us ki taraf se KHat likkha
aur apne pate pe bhej diya

Fahmi Badayuni

---

---

kya bhul gae hain wo mujhe puchhna qasid
nama koi muddat se mere kaam na aaya

Fana bulandshahri

---

---

na-umidi maut se kahti hai apna kaam kar
aas kahti hai Thahar KHat ka jawab aane ko hai

Fani Badayuni

---

---

uh ghabrai hui phirti hai meri lash par
kya janaze par mere KHat ka jawab aane ko hai

Fani Badayuni

---

---

aaj ka KHat hi use bheja hai kora lekin
aaj ka KHat hi adhura nahin likhkha main ne

Hamid Mukhtar Hamid

---

---

ya us se jawab-e-KHat lana ya qasid itna kah dena
bachne ka nahin bimar tera irshad agar kuchh bhi na hua

Haqeer

---

---

kabhi ye fikr ki wo yaad kyun karenge hamein
kabhi KHayal ki KHat ka jawab aaega

Hijr Nazim Ali Khan

---

---