koi samjhega kya raaz-e-gulshan
jab tak uljhe na kanTon se daman

Fana Nizami Kanpuri

---

---

phulon ko gulistan mein kab ras bahaar aai
kanTon ko mila jab se ejaz-e-masihai

Figar Unnavi

---

---

kanTon pe chale hain to kahin phul khile hain
phulon se mile hain to baDi choT lagi hai

Javed Vashisht

---

---

ahut hasin sahi sohbaten gulon ki magar
wo zindagi hai jo kanTon ke darmiyan guzre

Jigar Moradabadi

---

---

gulshan-parast hun mujhe gul hi nahin aziz
kanTon se bhi nibah kiye ja raha hun main

Jigar Moradabadi

---

---

phul kar le nibah kanTon se
aadmi hi na aadmi se mile

Khumar Barabankavi

---

---

zaKHm bigDe to badan kaT ke phenk
warna kanTa bhi mohabbat se nikal

Mahboob Khizan

---

---