wahshaten ishq aur majburi
kya kisi KHas imtihan mein hun

Khurshid Rabbani

---

---

wo taghaful-shiar kya jaane
ishq to husn ki zarurat hai

Khurshid Rabbani

---

---

nai mushkil koi darpesh har mushkil se aage hai
safar diwangi ka ishq ki manzil se aage hai

Khushbir Singh Shaad

---

---

aziyyat musibat malamat balaen
tere ishq mein hum ne kya kya na dekha

Khwaja Meer u0027Dardu0027

---

---

wo to ghazal suna ke akela khaDa raha
sab apne apne chahne walon mein kho gae

Krishn Bihari Noor

---

---

chupka khaDa hua hun kidhar jaun kya karun
kuchh sujhta nahin hai mohabbat ki rah mein

Lala Madhav Ram Jauhar

---

---

hum ishq mein hain fard to tum husn mein yakta
hum sa bhi nahin ek jo tum sa nahin koi

Lala Madhav Ram Jauhar

---

---