teri KHushi se agar gham mein bhi KHushi na hui
wo zindagi to mohabbat ki zindagi na hui

Jigar Moradabadi

---

---

ye ishq nahin aasan itna hi samajh lije
ek aag ka dariya hai aur Dub ke jaana hai

Jigar Moradabadi

---

---

dil ki choTon ne kabhi chain se rahne na diya
jab chali sard hawa main ne tujhe yaad kiya

Josh Malihabadi

---

---

koi aaya teri jhalak dekhi
koi bola suni teri aawaz

Josh Malihabadi

---

---

ishq us dard ka nahin qail
jo musibat ki intiha na hua

Josh Malsiani

---

---

husn aur ishq ka mazkur na howe jab tak
mujh ko bhata nahin sunna kisi afsane ka

Joshish Azimabadi

---

---

ishq hai ji ka ziyan ishq mein rakkha kya hai
dil-e-barbaad bata teri tamanna kya hai

Junaid Hazin Lari

---

---