sitam hi karna jafa hi karna nigah-e-ulfat kabhi na karna
tumhein qasam hai hamare sar ki hamare haq mein kami na karna

Dagh Dehlvi

---

---

gulon mein rang bhare baad-e-nau-bahaar chale
chale bhi aao ki gulshan ka karobar chale

Faiz Ahmad Faiz

---

---

ek tarz-e-taghaful hai so wo un ko mubarak
ek arz-e-tamanna hai so hum karte rahenge

Faiz Ahmad Faiz

---

---

ahut dur to kuchh nahin ghar mera
chale aao ek din Tahalte hue

Hafeez Jaunpuri

---

---

kahin wo aa ke miTa den na intizar ka lutf
kahin qubul na ho jae iltija meri

let her not come to me and this pleasure destroy
let not my prayers be answered, for waiting is a joy

Hasrat Jaipuri

---

---

ye iltija dua ye tamanna fuzul hai
sukhi nadi ke pas samundar na jaega

Hayat Lakhnavi

---

---

ab to aa jao rasm-e-duniya ki
main ne diwar bhi gira di hai

Javed Kamal Rampuri

---

---