ye hawa yun hi KHak chhanti hai
ya koi chiz kho gai hai yahan

Kashif Husain Ghair

---

---

ghuTan to dil ki rahi qasr-e-marmarin mein bhi
na raushni se hua kuchh na kuchh hawa se hua

Khalid Hasan Qadiri

---

---

hawa to hai hi muKHalif mujhe Daraata hai kya
hawa se puchh ke koi diye jalata hai kya

Khurshid Talab

---

---

koi charag jalata nahin saliqe se
magar sabhi ko shikayat hawa se hoti hai

Khurshid Talab

---

---

hawa KHafa thi magar itni sang-dil bhi na thi
hamin ko shama jalane ka hausla na hua

Qaisar-ul-Jafri

---

---

mere suraj aa! mere jism pe apna saya kar
baDi tez hawa hai sardi aaj ghazab ki hai

Shahryar

---

---