har nae hadse pe hairani
pahle hoti thi ab nahin hoti

Baqi Siddiqui

---

---

tum abhi shahr mein kya nae aae ho
ruk gae rah mein hadsa dekh ka

Bashir Badr

---

---

zindagi ek hadsa hai aur kaisa hadsa
maut se bhi KHatm jis ka silsila hota nahin

Jigar Moradabadi

---

---

taswir-e-zindagi mein naya rang bhar gae
wo hadse jo dil pe hamare guzar gae

Mahesh Chandra Naqsh

---

---

ye jabr bhi dekha hai tariKH ki nazron ne
lamhon ne KHata ki thi sadiyon ne saza pai

Muzaffar Razmi

---

---

unhen sadiyon na bhulega zamana
yahan jo hadse kal ho gae hain

Nasir Kazmi

---

---

waqt karta hai parwarish barson
hadisa ek dam nahin hota

Qabil Ajmeri

---

---