ہر نئے حادثے پہ حیرانی
پہلے ہوتی تھی اب نہیں ہوتی

باقی صدیقی

---

---

تم ابھی شہر میں کیا نئے آئے ہو
رک گئے راہ میں حادثہ دیکھ کر

بشیر بدر

---

---

زندگی اک حادثہ ہے اور کیسا حادثہ
موت سے بھی ختم جس کا سلسلہ ہوتا نہیں

جگر مراد آبادی

---

---

تصویر زندگی میں نیا رنگ بھر گئے
وہ حادثے جو دل پہ ہمارے گزر گئے

مہیش چندر نقش

---

---

یہ جبر بھی دیکھا ہے تاریخ کی نظروں نے
لمحوں نے خطا کی تھی صدیوں نے سزا پائی

مظفر رزمی

---

---

انہیں صدیوں نہ بھولے گا زمانہ
یہاں جو حادثے کل ہو گئے ہیں

ناصر کاظمی

---

---

وقت کرتا ہے پرورش برسوں
حادثہ ایک دم نہیں ہوتا

قابل اجمیری

---

---