'bani' zara sambhal ke mohabbat ka moD kaT
ek hadsa bhi tak mein hoga yahin kahin

Rajinder Manchanda Bani

---

---

kis darja dil-shikan the mohabbat ke hadse
hum zindagi mein phir koi arman na kar sake

Sahir Ludhianvi

---

---

hamare pesh-e-nazar manzilen kuchh aur bhi thin
ye hadsa hai ki hum tere pas aa pahunche

Shahzad Ahmad

---

---

astiyon mein hone ko hadse bhi hote hain
pattharon ki zad par kuchh aaine bhi hote hain

Taban Ghulam Rabbani

---

---

wo hadse bhi dahr mein hum par guzar gae
jine ki aarzu mein kai bar mar gae

Unwan Chishti

---

---