ze-haal-e-miskin makun taghaful durae nainan banae batiyan
ki tab-e-hijran nadaram ai jaan na lehu kahe lagae chhatiyan

Ameer Khusrau

---

---

hue namwar be-nishan kaise kaise
zamin kha gai aasman kaise kaise

Ameer Minai

---

---

KHanjar chale kisi pe taDapte hain hum 'amir'
sare jahan ka dard hamare jigar mein hai

Ameer Minai

---

---

tum ko aata hai pyar par ghussa
mujh ko ghusse pe pyar aata hai

Ameer Minai

---

---

wasl ka din aur itna muKHtasar
din gine jate the is din ke liye

Ameer Minai

---

---

subh hoti hai sham hoti hai
umr yunhi tamam hoti hai

Amirullah Tasleem

---

---

der lagi aane mein tum ko shukr hai phir bhi aae to
aas ne dil ka sath na chhoDa waise hum ghabrae to

Am grateful you came finally, though you were delayed
hope had not forsaken me, though must say was afraid

Andaleeb Shadani

---

---