dost do-chaar nikalte hain kahin lakhon mein
jitne hote hain siwa utne hi kam hote hain

Lala Madhav Ram Jauhar

---

---

jo dost hain wo mangte hain sulh ki dua
dushman ye chahte hain ki aapas mein jang ho

Lala Madhav Ram Jauhar

---

---

aql kahti hai dobara aazmana jahl hai
dil ye kahta hai fareb-e-dost khate jaiye

Mahirul Qadri

---

---

dosti ko bura samajhte hain
kya samajh hai wo kya samajhte hain

Nooh Narvi

---

---

dosti jab kisi se ki jae
dushmanon ki bhi rae li jae

Rahat Indori

---

---

KHuda ke waste mauqa na de shikayat ka
ki dosti ki tarah dushmani nibhaya ka

Saqi Faruqi

---

---

sau bar tar tar kiya to bhi ab talak
sabit wahi hai dast o gareban ki dosti

Shaikh Zahuruddin Hatim

---

---