aabaadi bhi dekhi hai virane bhi dekhe hain
jo ujDe aur phir na base dil wo nirali basti hai

Fani Badayuni

---

---

dil ka ujaDna sahl sahi basna sahl nahin zalim
basti basna khel nahin baste baste basti hai

Fani Badayuni

---

---

dil sarapa dard tha wo ibtida-e-ishq thi
intiha ye hai ki 'fani' dard ab dil ho gaya

Fani Badayuni

---

---

dil-e-marhum ko KHuda baKHshe
ek hi gham-gusar tha na raha

Fani Badayuni

---

---

oz-e-jaza gila to kya shukr-e-sitam hi ban paDa
hae ki dil ke dard ne dard ko dil bana diya

Fani Badayuni

---

---

wo nazar kaamyab ho ke rahi
dil ki basti KHarab ho ke rahi

Fani Badayuni

---

---

yun na kisi tarah kaTi jab meri zindagi ki raat
chheD ke dastan-e-gham dil ne mujhe sula diya

Fani Badayuni

---

---