us ko bhi meri tarah apni wafa par tha yaqin
wo bhi shayad isi dhoke mein mila tha mujh ko

Bharat Bhushan Pant

---

---

dhup boli ki main aabai watan hun tera
main ne phir saya-e-diwar ko zahmat nahin di

Farhat Ehsas

---

---

kamre mein aa ke baiTh gai dhup mez par
bachchon ne khilkhila ke mujhe bhi jaga diya

Fazl Tabish

---

---

pani ne jise dhup ki miTTi se banaya
wo daera-e-rabt bigaDne ke liye tha

Hanif Tarin

---

---

ye intiqam hai ya ehtijaj hai kya hai
ye log dhup mein kyun hain shajar ke hote hue

Haseeb Soz

---

---

dopahar ki dhup mein mere bulane ke liye
wo tera koThe pe nange panw aana yaad hai

Hasrat Mohani

---

---

is dasht-e-suKHan mein koi kya phul khilae
chamki jo zara dhup to jalne lage sae

Himayat Ali Shayar

---

---