wo aur honge jo kar-e-hawas pe zinda hain
main us ki dhup se saya badal ke aaya hun
Akbar Masoom
kab dhup chali sham Dhali kis ko KHabar hai
ek umr se main apne hi sae mein khaDa hun
Akhtar Hoshiyarpuri
diwar un ke ghar ki meri dhup le gai
ye baat bhulne mein zamana laga mujhe
Asghar Mehdi Hosh
Tags:
| Dhoop |
| 2 Lines Shayari |
zawiya dhup ne kuchh aisa banaya hai ki hum
sae ko jism ki jumbish se juda dekhte hain
Asim Wasti
ye dhup to har ruKH se pareshan karegi
kyun DhunD rahe ho kisi diwar ka saya
Athar Nafees
dhup baDhte hi juda ho jaega
saya-e-diwar bhi diwar se
Bahram Tariq
phir yaad bahut aaegi zulfon ki ghani sham
jab dhup mein saya koi sar par na milega
Bashir Badr